De compositione cum Guillelmo de Guillervilla super vinea Inter-duas-aquas.
- A Original en parchemin. — Inv., p. 2, l. 2, nº 12.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Universis presentes litteras inspecturis, frater Johannes, dictus abbas Vallium Sarnay, totusque ejusdem loci conventus, salutem in Domino sempiternam : Noverit universitas vestra quod cum contentio verteretur inter nos et dominum Guillelmum de Guillervilla, militem, pro defectu culture cujusdam pecie vinee, que vinea vocatur vinea Inter-duas-aquas1 ; tandem, pro bono pacis, convenimus in hunc modum, quod nos, de consilio et assensu omnium nostrorum et amore predicti militis, predictam vineam, sicut se comportat in longum et latum, predicto militi et ejusdem heredibus pacifice relinquimus in perpetuum possidendam, tali conditione quod prefatus miles ac ejusdem heredes nobis quitaverunt novem denarios parisienses quos debebamus eidem annui census, , et pressoragium vinee supradicte et de vinea Molendini-Novi. De qua quitacione predictorum novem denariorum et pressoragio promisit dictus miles, etc.........................
In cujus rei testimonium, sigillum nostrum quo solo utimur presentibus litteris duximus apponendum. , apostoli2.
