Universis presentes litteras inspecturis, Philippus de Moreigniaco, canonicus Duacensis, domini regis Francorum clericus, ad recipiendas financias super acquisitis a personis ecclesiasticis et ignobilibus in Rothomagi, Caleti, Gisorcii, Cadumensi, Constanciensi balliviis et eorum ressortis, ab eodem domino rege deputatus, salutem in Domino : Noveritis quod abbas et conventus Vallium Sarnaii, juxta tenorem secunde ordinacionis domini regis super retinendis perpetuo acquisitis a quinquaginta quinque annis citra, mecum finaverunt per quinquaginta tres libras parisienses de hiis que secuntur : Videlicet, de sex peciis terre : prima sita est au Ronondel1, inter terram Roberti de Bosco, ex una parte, et terram heredum de Gyencourt, ex altera, in feodo de Cauda de Ez ; secunda sita est au Renondel, inter terram Roberti Hainfray, ex una parte, et Robinum de Gyencourt, ex altera, in feodo eodem ; que due pechie continent duas acras et dimidiam ; item dimidia acra in Renondel, inter terram Petri le Camus, ex una parte, et terram molendinarii de Tilly, ex altera, in feodo de Baudemont ; item dimidia acra au Buysson Refoulé, inter terras dictorum religiosorum, ex utraque parte, in feodo de Baudemont ; item dimidia acra in chemino de Heubecourt, inter terram Philippi Bouvenel, ex una parte, et terram uxoris Gileberti Goires, ex altera, in feodo de Salicosa ; item dimidia acra in Braquebuef, inter terram dictorum religiosorum, ex una parte, et terram Johannis, dicti Latire, ex altera, in feodo Helye de Flouri ; item dimidia acra in chemino de Andeliaco, inter terram dictorum religiosorum, ex una parte, et terram Johannis le Desree, ex altera, in feodo domini Hugonis de Villaribus ; item dimidia acra in Boc-Huon, inter terram Petri, dicti le Camus, ex una parte, et terram de Salicosa, ex altera, in feodo de Baudemont ; item una acra et dimidia au Ronondel, inter terram Robini de Gyencourt, ex una parte, et terram heredum Philippi Bouvenel, ex altera, in feodo domini Hugonis de Coupigny ; item quinque virgate terre a Guillelmo As-Chiens, site in parrochia de Tilly, inter terram dictorum religiosorum, ex una parte, et terram Helye Viridaris, ex altera, in feodo monialium de Thesauro Beate Marie per escambium pro aliis quinque virgatis terre emptis ; item per modum emptionis dimidia acra de Andrea Anglico, inter terram dictorum religiosorum, ex una parte, et Petri Renout, ex altera, in feodo monialium de Thesauro Beate Marie ; item una acra de Laurencio de Tourny ad Maram-Beneeton1, inter terram dictorum religiosorum, ex una parte, et Guillelmi, dicti Pointel, ex altera, in feodo Johannis de Guyencourt ; item una acra terre de Laurencio de Tourny versus Tillyacum2, inter terram Egidii le Berchier, ex una parte, et Robini Loe, ex altera, in feodo de Baudemont ; item una acra de Petro Pelliparii3 ad Maram-Gaufridi, inter terram Dyonisii le Caron, ex una parte, et cheminum regalem, ex altera, in feodo de Penoilleusc ; item una virgata terre de Roberto Loydart4, inter terram dictorum religiosorum, ex una parte, et terram Petri Renou, ex altera, in feodo Petri, dicti le Camus ; item dimidia acra de Roberto Loydart versus Cailloel5, inter terram de Salicosa, ex una parte, et viridarium, ex altera, in feodo Sancti Lazari de Vernon ; item dimidia acra de Matheo le Caron6, inter terram dictorum religiosorum, ex una parte, et viridarium, ex altera, versus Callouel, in feodo Sancti Lazari de Vernon ; item due pecie terre de Petro de Allodiis, que continent dimidiam acram, inter terram Egidii le Berchier, ex una parte, et Johannis le Gous, ex altera, in feodo Helie de Flouri ; item una acra a Matheo de Tourny1, in feodo Johannis de Gyencourt, sita in parrochia de Heubecourt, inter terram Roberti Honfroi et heredum Richardi Baudoym, ex altera ; item viginti perche de Roberto Dare2, in feodo Johannis de Gyencourt, inter terram Symonis le Mercier, ex una parte, et dicti Friquet, ex altera ; item tres acre empte a Petro le Camus, in feodo Helye de Flouri, site en Braquebuef ; item apud Longuamvillam, octo solidi redditus in feodo Galteri Hau......., ex dono Henrici de Tylli, super quamdam masuram ; item apud Tylliacum quatuor libras et duos capones redditus, emptos a presbitero dicto de Semares, in feodo Helye de Flouri ; item ibidem septem solidi parisienses et unus capo empli ab Anzere de Tourny3, in feodo de Baudemont ; item septem solidi super unum stalum retro Sanctum Jacobum Vernonensem, empti ab Alermo de Treleyo4, in feodo domini regis ; item triginta et duo solidi empti a domino Galtero de Corbya, milite5, in ipsius feodo, super unam domum sitam in vico Sancti Jacobi Vernonensis. Per receptionem cujus financie concessi predictis abbati et conventui quod predicta in perpetuum teneant, sine coactione vendendi vel extra manum suam ponendi, salva in predictis domini regis justicia et salvo in aliis jure ipsius domini regis et jure in omnibus alieno. In cujus rei testimonium, sigillum meum duxi presentibus litteris apponendum. Datum anno Domini millesimo CCCº primo, die sabbati post Conceptionem beate Marie6.