Ludovicus, Dei gracia, Francorum rex, universis presentes litteras inspecturis, salutem : Notum facimus quod, ad requestam magistri Maturini Bouhier, religiosorum, abbatis et conventus Vallis de Cernayo procuratoris, curia nostra parlamenti a suis registris extrahi fecit accordum, tenorem qui sequitur continens :

Karolus, Dei gratia, Francorum rex, universis presentes litteras inspecturis, salutem : Notum facimus quod, de licentia nostre parlamenti curie, inter partes infrascriptas seu earum procuratores tractatum, concordatum et pacificatum extitit, prout in quadam cedula ab eisdem partibus seu earum procuratoribus dicte nostre curie unanimiter et concorditer tradita continetur, cujus scedule tenor sequitur sub his verbis :

Comme procès fust meu en la court de parlement, en cas de saisine et de nouvelleté, entre les religieux, abbé et couvent des Vaulx de Cernay, demandeurs et complaignans, d'une part, et les religieux, abbé et couvent de Sainct Denis en France, opposans, d'autre part ; sur ce que lesdiz demandeurs disoient estre en possession et saisine de certains estangs ou viviers, assis jongnant de leur église, de les faire pescher et appliquer les poissons à leur prouffit, et que néantmoins ledit monsieur l'abbé de Sainct Denys et ses gens avoient de fait pesché en l'un desdiz estangs, prins et emporté grant foison de poissons, jusques à la valeur de deux cens cinquante livres ou environ, en troublant et empeschant lesdiz demandeurs en leurs dictes possessions et saisines, indeuement et de nouvel ; lesdiz de Sainct Denys disans qu'il estoient en possession et saisine, que toutesfoiz que ledit monsieur l'abbé de Sainct Denis aloit en leur hostel de Valances ou en aucun de leurs autres hostelz près des lieux dessusdiz, il povoit faire pescher et prendre des poissons és estangs dessusdiz, et en ce se disoient estre lesdiz de Sainct Denys fondés par lettres et tiltres desdiz des Vaulx de Cernay, et que, en usant desdictes possessions et saisines, ledit monsieur l'abbé de Sainct Denys, qui estoit alez en un de ses diz hostelz, avoit faict pescher deuement ésdiz estangs ; finablement, pour bien de paix, actendu que ladicte pescherie est de très petit prouffit ou de nul auxdiz religieux de Sainct Denys, est traictié et accordé entre lesdictes parties, s'il plaist à la court, en la manière qui s'ensuit. C'est assavoir que oultre XXX sols de rente perpétuelle que lesdiz religieux de Sainct Denis ont acoustumé de prendre chascun an, terme de la feste sainct Andrieu, sur ladicte église des Vaulx de Cernay, pour raison de l'admortissement de certains bois et autres héritaiges qui piéça furent donnez par le sire de Chevreuse à ladicte église des Vaulx de Cernay et pour autres causes, lesdiz religieux des Vaulx de Cernay paieront chascun an doresnavant ausdiz religieux de Sainct Denys, audit terme de la feste sainct Andrieu, XX solz parisis, qui feront en somme toute cinquante solz parisis de rente, paiés en leur hostel de Beauraim. Et parmy ce, lesdiz des Vaulx de Cernay et leurs diz estangs demourront quictes perpétuelment de ladicte pescherie, sauf auxdiz de Sainct Denys leurs autres droitz......................

Actum de consensu dicti abbatis Vallis de Cernayo, presentis, et magistri Petri de Cloya, dictorum de conventu Vallis de Cernayo procuratoris, ac fratris Egidii Ducis, dicti monasterii Beati Dionisii religiosi, dictorumque abbatis et conventus Beati Dionisii procuratoris, condempnatorum per arrestum, die secunda marcii, anno Domini millesimo tricentesimo octuagesimo tercio1.

1 « Jouvence.

Datum, quoad hujusmodi extractum, Parisius, in parlamento nostro septima die septembris, anno Domini millesimo quingentesimo nono, et regni nostri duodecimo.

2 « Extractum a registris curie.

P. Camus.