De donatione terræ in Valle Pecosa.
- B Copie. — Déclaration de 1511, fº 175 vº.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Odo, Dei gratia, Parisiensis episcopus, omnibus ad quos presens scriptum pervenerit, salutem in Domino : Notum facimus quod Gauterius de Lymoiis, dictus Rochard1, dedit fratribus et ecclesie Vallium terram suam sitam in Valle Pecosa, tenentem ex una parte viæ quæ ducit de Bonnella ad Mollerias, et ex alia parte rivullo de Pecosa, et a parte inferiori tenentem pratis Longi Pontis, et a parte superiori jardinis Pecosæ. Et etiam prædictus Gauterius eisdem fratribus dedit terram quamdam, ex alia parte supradicti rivuli sitam, secus rivullum prædictum Pecosæ, usque ad rivullum Vernoellæ, ad admodiationem dimidii modii, id est triam sextariorum frumenti et trium avenæ reddendorum . Notum sit etiam quod Manerius, abbas prædictæ ecclesiæ Vallium, cum omni conventu sao, commutaverunt totam terram suam de Hermenon prædicto Gauterio Rochart pro alia terra tantidem valente numero et quantitate, sita juxta territorium de Pecosa, terræ superius nominatæ contigua. Bertaudus vero de Couldræio, de quo prædictus Gauterius terras illas tenebat, laudavit et omnem justitiam prædictis fratribus quietavit. In cujus rei testimonium auctoritate sigilli nostri roboravimus. Actum in inferiori aula Parisiensi, .
