" Littera domini Johannis de Grangia, subdecani Carnotensis, de quadam domo sita in claustro Carnotensi. "
- A Original en parchemin. — Inv., p. 136, l. 2, nº 17.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Universis presentes litteras inspecturis, J[ohannes] de Granchia, subdecanus Carnotensis, salutem in Domino : Noveritis quod cum nos, , emissemus ab executoribus bone memorie M[athei], de Gallanda, avunculi nostri, quondam archidiaconi Dunensis in ecclesia Carnotensi, quamdam domum sitam in claustro Carnotensi1, pro quingentis libris turonensibus : pars cujus domus, videlicet major aula et camera contigua eidem aule a parte posteriori cum logis anterioribus et curia de medio, est de censiva religiosorum virorum abbatis et conventus Vallium Sarneii, et nos pro vendis dicte domus ipsos religiosos contingentibus teneremur eisdem religiosis in viginti septem libris et quindecim solidis turonensibus et sex denariis, nos de dictis viginti septem libris dictis religiosis satisfecimus in pecunia numerata. In cujus rei testimonium et memoriam, sigillum curie nostre presentibus litteris duximus apponendum. post Purificationem beate Marie Virginis.
