Universis presentes litteras inspecturis, officialis curie Parisiensis, salutem in Domino : Noveritis quod magister Philippus de Bertigniaco, canonicus Parisiensis, recognovit quod cum Johannes de Bertigniaco2, clericus, quondam frater ejusdem Philippi, haberet, teneret et possideret decem arpenta nemorum vel circiter in nemoribus que vulgaliter dicuntur nemora de Alneoy, sita inter Gaseram et Ourfin ; item cum dictus magister Philippus haberet quoddam molendinum situm apud Buison subtus Montem-Lethericum3, [in quo] molendino religiosi viri abbas et conventus Vallium Sarneii habebant et percipiebant, singulis annis, decem [octo sextaria bladi] : inter Johannem et Philippum, fratres predictos, ex una parte, et abbatem et conventum Vallium Sarneii, ex altera,................ haberent et tenerent nemora predicta, que fuerint dicti Johannis, p[leno] jure perpetuo possidenda ; dicti................ dictos decem octo sextaria bladi seu moulture quos abbas et conventus habebant in molendino predicto ; ita................... portio defuncti ad alterum devolvetur, et post mortem superstitis ad abbatem et conventum deveniet moultura predicta................ am in molendino predicto pleno jure. Que omnia idem Philippus, heres dicti Johannis, in solidum............. bona fide............. inviolabiliter convenciones predictas, et quod per se vel per alium contra non veniet........... petitionem dicti Philippi, sigillum [officialis curie] presentibus duximus apponendum ; et nos siquidem Philippus predictus sigillum [nostrum], cum sigillo officialis, presentibus duximus apponendum, in testimonium premissorum. Datum anno Domini Mº CCº octogesimo quinto, die jovis post festum Assumpcionis beate Marie Virginis1.