De uno cado vini super masura de Malonido.
- A Original en parchemin scellé1. — Inv., p. 71, l. 1, nº 4.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Universis presentes litteras inspecturis, Aalis, relicta Hugonis Bartholomei, salutem in Domino : Noverit universitas vestra quod ego, pro salute anime mee et antecessorum meorum, dedi, in puram et perpetuam elemosinam, monachis Vallium Sarnaii unum cadum vini, reddendum,dictis monachis vel eorum nuncio, de me et heredibus meis, singulis annis, tempore vindemiarum, super masura mea de Malonido, sita inter torcular Radulphi de Guierni, ex una parte, et inter vineam Nigasii de Fameville, ex altera ; et, ne istud per processum temporis ad nichilum revocetur, presens scriptum sigilli mei munimine roboravi. Actum . Testibus hiis : domino Guillelmo Postel ; domino Ricardo ; domino Johanne de Medunta ; domino Johanne Britone ; domino Guillelmo Havart, presbiteris ; Petro, diacono ; Fouet, clerico ; fratre Almarrico, converso de Brolio ; Acelina, filia mea.
