" Carta E. abbatisse Portus Regalis et ejusdem loci conventus, de commutatione cujusdam vinee apud Royssiacum. "
- A Original en parchemin scellé1. — Inv., p. 39, l. E, nº 1.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Universis presentes litteras inspecturis, soror E[remburgis], dicta abbatissa Portus-Regalis et ejusdem loci conventus, salutem in Domino : Noverit universitas vestra quod nos commutavimus cum viris religiosis et dilectis nostris monachis Vallium Sarnaii quamdam vineam apud Rossiacum, in censiva eorumdem monachorum sitam ; quam vineam dilectus Symon de Mauveriis, miles, nobis donaverat ob gratiam et amorem filie sue, que in domo nostra habitum religionis assumpsit, liberam et quietam in perpetuum possidendam, pro quadraginta solidis parisiensibus annui census, quos singulis annis apud Castrum-Forte et apud Vetolium recipiebant, videlicet apud Castrum-Forte viginti solidos parisienses, et aput Vetolium viginti solidos parisienses. Et ut ista supradicta commutatio in perpetuum stabilis et firma perseveret, hanc presentem paginam sigilli nostri appensione roboravimus. Actum .
