Noverint universi presentes et futuri quod ego Johannes de Capella et ego Sibilla de Capella, ejus uxor, de communi assensu nostro et bona voluntate nostra, vendidimus et concessimus religiosis viris abbati et conventui Vallium Sarnaii unam petiam terre arabilis, sitam in territorio de Cauda-d'Aez, inter terram Petri de Tourni, ex una parte, et terram Richeudis, relicte Johannis Selles, ex altera ; de qua pecia terre nos reddere consueveramus Gacio de Cauda-d'Aez, armigero, annuatim tres denarios annui redditus ; tenendam et jure hereditario in perpetuum possidendam et habendam dictam peciam terre predictis religiosis et eorum successoribus, libere, quiete et pacifice, absque aliqua nostri vel heredum nostrorum reclamatione de cetero facienda, pro quadraginta solidis turonensibus, etc........................

Et in horum omnium testimonium et perpetuam firmitatem, nos predicti Johannes et Sibilla, ejus uxor, ad majorem confirmationem, sigillum venerabilis viri decani Vernonis presentibus litteris, una cum sigillis nostris, petiimus et procuravimus apponi. Actum anno Domini Mº CCº octogesimo primo, die martis post Letare Jerusalem.