Johannis de Corbolo, de dono Andree de Ulmeto.
- A Original en parchemin. — Inv., p. 38, I. B, nº 4.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Ego Johannes de Corbolio notum fieri volo, tam posteris quam presentibus, quod, pro remedio anime mee et uxoris mee Carcassone, necnon predecessorum et filiorum meorum, dedi ecclesie sancte Marie de Sarnaio, in perpetuam elemosinam, XII denarios de censu, quos habebam in domo, quam Willelmus de Firmitate, in perpetuam elemosinam, me concedente, dedit prefate ecclesie de Sarnaio. Preterea concedo et laudo elemosinas omnes quas Andreas de Ulmeto1 prefate ecclesie de Sarnaio dedit in feodo meo. Insuper dedi et concessi jam dicte ecclesie de Sarnaio, in perpetuam elemosinam, quicquid in feodo meo deinceps acquirere poterint monachi de Sarnaio. Hec omnia, ut prescripta sunt, concessit uxor mea Carcassona et filii mei Johannes, Balduinus et Hugo. Testes : Bernardus monachus, Willelmus conversus ; Gaufridus de Viniparereia ; Hugo de Aguernoil ; Hugo de Dravel.
