" Littere Renardi, " de quatuor libris annui redditus super duobus arpentis vinearum apud Luisant.
- A Original en parchemin. — Inv., p. 18, c. L, nº 3.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Universis presentes litteras inspecturis, officialis curie decani Carnotensis, salutem in Domino : Noveritis quod Guillelmus Renardi et Johanna, ejus uxor, cives Carnotenses, dederunt et assignaverunt Marie, filie sue emancipate ab eis, ut dicebant, pro parte ipsam contingente de bonis ex parte dictorum Guillelmi et Johanne moventibus, quatuor libras annui redditus, percipiendas, , ab eadem Maria, quoad vixerit, vel ejus mandato, de redditibus seu proventibus duorum arpentorum vinearum ipsorum Guillelmi et Johanne, sitorum apud Luisant, in censiva sancti Martini in Valle Carnotensis, juxta vineas monachorum abbatie sancti Florentini de Bonavalle, ut dicitur ; que duo arpenta vinearum, pro dicto redditu annuo super hiis percipiendo, obligaverunt eidem Marie coram nobis. Promittentes, etc.......... In cujus rei testimonium et munimen, presentes litteras sigillavimus sigillo curie decani Carnotensis. apostoli.
