A touz ceus qui ces présentes lettres verront et orront, Béatriz du Boys, dame de Chevreuse, fame jadis de noble homme de bone mémoire monsieur Anseau, jadis sire de Chevreuse et queu de France2, saluz en Nostre Seigneur : Sachent tuit que nous, pour la grant dévocion que nous avons eue et avons és moisons et és biens spirituels qui sont fez et seront en l'église Nostre Dame des Vaus de Sarnay, desquelx, meennant la grace de Deu, nous espérons estre participant, pour le salu de nostre ame, et pour avoir une chapellenie en ladicte église et une messe chacun jour pardurablement, laquele nous est otroié et promise de l'abbé et du couvent de ladite église, avons donné, quitié et délessié, donnons, quitons et délessons à la devant dite église et au devant diz religieus, en pure et perpétuele aumone, desorendroit perdurablement, à l'usage de ladite chapellenie et pour avoir ladite messe pour nostre chier seigneur, pour nous et pour noz amis, la moitié d'une pièce de bois, si comme elle se comporte, assise en la forest Saint-Denis envers Valences, laquele pièce de bois, nostre chier seigneur dessusdit et nous, achetames et conquestames de nobles personnes monsieur Hue de Bouglainval, chevalier, et de sa fame, movant et tenue en fié ladite pièce de bois de religieus homme et honeste l'abbé de Saint-Denis ; et aveques ce vint et deus souz et demi de cens ou environ que les devant diz religieus nous devoient chacun an au terme de la sainct Remi, renduz au bois de lez Orfin, pour les héritages qui furent jadis feu Chelet d'Orfin, et pour une autre masure d'emprès. Et promettons en bone foy, etc...............

Et en tesmoing de cey, nous avons seellé ces présentes lectres de nostre propre seel. Ce fu fet et donné l'an de grace mil trois cenz et neuf, le samedi après la Tiphonie1.