Carta Philippi de Moreigniaco de quitancia quatuor librarum turonensium.
- A Original en parchemin. — Inv., p. 27, l. 4.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Universis presentes litteras inspecturis, magister Philippus de Moreigniaco2, domini regis Francorum clericus, inquisitor ab eodem deputatus super novis acquisitis factis a personis ecclesiasticis et ignobilibus in prepositura Parisiensi et ejus ressorto, salutem in Domino : Noveritis nos, nomine domini regis et pro eo, recepisse et habuisse, in pecunia numerata, quatuor libras turonenses a viris religiosis abbate et conventu de Vallibus Sernay, pro financia acquisitorum suorum, scilicet viginti solidorum annui redditus seu census, de legato domini Petri, quondam de Melesenco, militis, super census predicti militis percipiendorum annuatim, acquisitorum titulo gratuito pro tempore secunde : quittantes de predicta pecunie summa predictos religiosos, nomine domini regis et nostro, penitus et expresse ; quod omnibus quorum interest et interesse potest tenore presentium intimamus. In cujus rei testimonium, litteris presentibus sigillum nostrum duximus apponendum. .
